ماما زيديني

لمن هذا الكتاب؟

«ماما زيديني» راهو ليك إذا كنتي…

أم تحضن طفلها الصغير وهو يتناول الرضّاعة (4 – 6 أشهر)

مزلتي ما بديتيلوش الماكلة

وليدك قرب للـ 4 أشهر ولا فاتهم، وحابة تبداي بالطريقة الصحيحة من أول مغرفة، وتتفاداي الأخطاء لي تخلي بزاف أطفال يرفضو من بعد.

بديتيلو الماكلة ومكيش متأكدة

بديتي الماكلة، بصح ديما تسقساي روحك: «اسكو راني ماشية صح؟ شحال نعطيه؟ واش نزيدلو؟»

طفل يدوّر وجهو على المغرفة ويرفض الماكلة

وليدك يرفض ياكل ولا يتشرّط

يغلق فمو، يبزق الماكلة، حبس فجأة، ما يشربش الماء، يشرب غير الحليب ولا ياكل غير شويا… وراكي عييتي من التجارب الفاشلة.

حابة تبدّلي حالتك…

من أم حايرة ومضغوطة… لأم مرتاحة وواثقة

أم تعبانة قدام طفل يرفض المغرفة (المشكل)

دوك ممكن راكي…

تطيبيلو من قلبك بكل حب… ومبعد تخلاص الماكلة فلابوبال
يغلق فمو، يدور وجهو، ولا يبزق الماكلة كي تقربيلو المغرفة
كان ياكل مليح… ومن بعد فجأة حبس، ومكيش فاهمة علاش
لاصق غير في الصدر ولا البيبرون، والماكلة ما يحبهاش
ياكل غير شوية حوايج، والباقي كامل يرفضو
ياكل ملعقة ولا زوج ومبعد يحبس
ديما راكي فالتيكتوك واليوتيوب تحوسي على حلول بصح ما نفع والو
واذا مزلتي مبديتيلوش الماكلة، خايفة ما تعرفيش وتغلطي وتضري وليدك

ومع «ماما زيديني»…

تعرفي بالضبط واش لازمك تمديلو، شحال، ووقتاش حسب العمر
تعرفي بالضبط علاش راهو يرفض… وواش تديريلو باش يولي ياكل نورمال
تعرفي كيفاش تخليه يتقبل مختلف الأطعمة… حتى لي كان يرفضهم من قبل
تعرفي كامل الأمور لي مسموح بيهم وكامل الأمور لي ممنوعين
تعرفي إذا وليدك راهو يشبع ولا لا، وإذا الوزن تاعو مثالي ولا لا
تتهناي من التفكير الزائد، الخوف، الضغط، وتأنيب الضمير
تشوفي وليدك ياكل حتى يشبع، ويطلب منك تزيديلو
ترقدي متهنية، عارفة بلي راكي درتي الحاجة الصح، وتشوفي وليدك يكبر قدامك

واش رايحة تلقاي في الكتاب

ثلاث كتب في كتاب واحد… اجابة على جميع الأسئلة لي قادرة تجي في بالك 😮

الجزء الأول: دليل المراحل 🥄

واش تمديلو، شحال، ووقتاش… من أول مغرفة حتى لعامين

واش تمدي لوليدك ياكل حسب العمر تاعو من 4 أشهر الى عامين، وكيفاش تروحي معاه تدريجيا للماكلة تاع الدار.
الكمية بالضبط شحال تعطيه ياكل في كل وجبة، وشحال من وجبة فاليوم على حساب العمر، وكيفاش تعرفي إذا شبع ولا لا، باش تكوني مطمئنة بلي راهو يرقد شبعان.
كيفاش توفقي مابين الحليب والماكلة لوليدك، ووقتاش وكيفاش وشحال تعطيه يشرب الماء.
كيفاش تغيري القوام تاع الماكلة للقوام المناسب فالوقت المناسب، وكيفاش تتجنبي الأخطاء لي يسببو الرفض من بعد.
كيفاش تحمي وليدك من فقر الدم وتعطيه واش يكفيه من الحديد، البروتين والدهون، وكيفاش تديري exact مع الفيتامين D.
كيفاش تحمي وليدك من الاختناق، وتلاحظي علامات الحساسية بسرعة، والخطوات لي لازمك تديريها في جميع حالات الخطر.

الجزء الثاني: دليل الرفض والانتقائية 💡

باش تعرفي علاش يرفض… وواش تديري باش يرجع ياكل

جميع الحلول المناسبة لكل أسباب الرفض الممكنة (soit تاع الماكلة ولا تاع الماء)، مرتّبة حسب العمر، باش أخيرا تقدري تشوفي وليدك ياكل قدامك.
كيفاش تخلي وليدك الانتقائي يتقبل مختلف الأطعمة، باش تكوني مطمئنة بلي راهو يدي كامل الاحتياجات تاعو، وتعبك فالكوزينة ما يروحش خسارة.
كيفاش تعرفي إذا كان وليدك راهو ياكل مليح ويكبر بشكل طبيعي، باش ما تبقايش مقلقة على الوزن تاعو كل ما تسمعي واحد يقولك «وليدك راهو مشيان».

الجزء الثالث: وصفات حسب العمر 🍲

باش ديما يكون عندك حاجة جديدة تمديها لوليدك

أكثر من 100 وصفة صحية مجربة، مرتبة حسب المرحلة العمرية، باش ما يكرهش وباش توفريلو جميع العناصر الغذائية.
وصفات تنتقل تدريجيا من وصفات بسيطة تناسب بداية الماكلة، وصولا الى وصفات أكثر تعقيدا تجمع مختلف المكونات والعناصر الغذائية
بمكونات بسيطة وموجودة في كل دار.

وبزاف بزاف حوايج وحد أوخرين رايحين تكتاشفوهم فالكتاب.

⏳ سعر الإطلاق 2900 دج بدل 5000 دج، مع 2 بونيص باطل… غير لمدة محدودة.

احصلي على نسختك الآن + 2 بونيص باطل

إيه حقا... كاينة مفاجئة

إذا شريتي الكتاب اليوم، رايحة تدي معاه 2 لي بونيص بــــــــــــااااطل!!!

1بونيص #1

~~2500 دج~~باطل

الممنوعات في تغذية الرضيع، من 4 أشهر الى عامين

شحال من خطرة حبيتي تمدي لوليدك حاجة، بصح معرفتيش اذا راهي مسموحة فالعمر تاعو ولا لا؟ وشحال من خطرة قالولك «مديلو برك، واش راح يصرالو زعما»؟

كامل الأطعمة الممنوعة على الطفل، على حساب العمر تاعو
علاش راهي ممنوعة، باش تعرفي تجاوبي لي يهدر معاك
باش تكوني مطمئنة بلي ماكيش تضري وليدك ونتي ما علابالكش

2بونيص #2

~~2000 دج~~باطل

برنامج ماكلة وليدي، من 6 أشهر الى عامين

«واش نطيبلو ليوما؟» هذا البونيص يجاوبك على هذا السؤال كل يوم: جداول برنامج غذائي متكامل حسب العمر، تلسقيهم على الفريجيدار وتعرفي واش تطيبيلو exact.

برامج أسبوعية حسب العمر، من 6 أشهر حتى عامين
قائمة المشتريات لكل أسبوع
تنوع كبير فالوصفات والعناصر الغذائية، بلا تخمام

شكون حنا، وعلاش تقدري تثقي فينا؟

إلهام بورويسة

ممرضة مختصة في رعاية المواليد والرضّع

أكثر من 25 سنة في مصلحة طب الأطفال وحديثي الولادة، وأم لأربعة أولاد. شدّت آلاف الرضّع بين يديها، وجاوبت آلاف الأمهات على نفس الأسئلة. وكي اكتشفت بلي وليدها جاد عندو حساسية من حليب البقر، عاشت هي تاني الحيرة كأم… ومن تماك وعدت روحها: كل أم لازم تكون عندها المعلومة الصحيحة. اليوم، أكثر من مليون أم يتابعوها.

نور الهدى بورويسة

طبيبة عامة

8 سنين خدمة في مصلحة طب الأطفال، التوليد، واليوم الاستعجالات، وأم لأناييس وشهين. تقدم فقرات طبية توعوية للأمهات في برنامج «بيتي حياتي» كل أحد وثلاثاء، وهدفها تبسّط المعلومة الطبية باش كل أم تقدر تاخذ القرار الصحيح لوليدها.

«ماما زيديني» مبني على توصيات الجمعية الأوروبية لطب الأطفال وأمراض الجهاز الهضمي والتغذية (ESPGHAN).

🤍

وعدنا ليك

كل معلومة في «ماما زيديني» مبنية على أسس علمية، مكتوبة بلغة بسيطة، ومرتبة باش تلقاي الجواب في دقائق، في الوقت لي تحتاجيه. هدفنا واحد: تولي توكلي وليدك ونتي واثقة من روحك، وتشوفيه ياكل قدامك.

أسئلة متكررة

عندي الطبيب تاع وليدي، علاش نحتاج الكتاب؟

باختصار، هذا الكتاب ما يقدرش يدي بلاصة الطبيب تاع وليدك.

الطبيب تاع وليدك يبقى هو المرجع الأول فيما يخص صحة وليدك، لأنه هو لي يعرف حالتو الصحية وتفاصيلها.

بصح في نفس الوقت، ماشي كل مرة يجي في بالك سؤال راح تقدري تزوري الطبيب.

وهنا يجي دور الكتاب: يعطيك المعلومات لي تحتاجيها فيما يخص التفاصيل اليومية الدقيقة الخاصة بماكلة وليدك، ويعاونك تعرفي كيفاش تتعاملي مع مختلف المواقف، وراح يقولك وقتاش تكون زيارة الطبيب أمر ضروري.

هل كاينة نسخة مطبوعة من كتاب الوصفات ولا كاين غير النسخة الإلكترونية؟

حاليا، كاينة النسخة الإلكترونية فقط. قادر تتوفر نسخة مطبوعة في المستقبل، بصح حاليا لا توجد خطة واضحة لعمل نسخة مطبوعة.

سما إذا كنتي مهمتمة بشراء الكتاب، أحصلي على النسخة الإلكترونية الآن ومتفوتيش العرض المحدود.